3 Roka'at

Si Joni Bedog masih sosolontodan alatan mabok. Waktuna adan subuh, manehna ngarah ka tajug. Di jalan, manehna panggih jeung Lebe Rancabanyol.

"Kamana euy?" tanya Lebe.

"Euh... euh... rek salat subuh!"

"Alus atuh. Cik, ari salat subuh sabaraha roka'at kitu?"

"Euh...3 roka'at!" jawab si Joni Bedog bari gegetret sirah.

"Maneh mah nya! Abong jelema mabok! Mending balik heula ka imah. Mandi ka ditu...beberesih heula!"

Si Joni bedog sosolontodan leumpang deui. Manehna panggih jeung Jang Epul nu rek ka tajug.

"Kamana maneh Pul?" tanya si Joni Bedog.

"Rek salat subuh ka tajug!"

"Maneh apal kitu ari solat subuh sabaraha roka'at?"

"Dua rokaat!"

"Eu...eu... mending balik deui siah! Uing ge nu ngajawab 3 dicarekan ku lebe. Komo maneh nu ngajawab ngan 2 rokaat!"

"Dasar jelema eusleum!" ceuk Jang Epul bari tuluy ngingkig ninggalkeun nu weureu mabok.