Istilah Anggahota Sirah

A. Buuk = bulu dina luhur sirah.
- embun-embunan = bagian tulang sirah luhureun tarang tengah-tengahna.
- kukulinciran =  tengah-tengah sirah (puseurna buuk).
- buntut kasir = tungtung buuk palebah punduk (sok aya nu dikucirkeun).
- amis cau = buuk laleuleus dina tarang awewe nu mangkat beger (ABG).

B. Ceuli = bagian sirah kenca-katuhu, paranti ngadenge
- puhu ceuli = daun ceuli ka puhuna
- daun ceuli = bagean ceuli nu siga daun
- liang ceuli 

C. beungeut  = sirah bagian hareup
- tarang = bagian  beungeut antara halis jeung wates buuk.
- panon = bagian beungeut handapeun tarang.
- irung = bagian beungeut antara panon jeung biwir, paranti ngangseu.
- sungut = bagian beungeut antara irung jeung gado, paranti barangdahar jeung ngomong.
- gado = bagian beungeut handapeun sungut, di lalaki sok aya janggotan.
- palipisan = bagian beungeut antara ceuli jeung panon.
- pipi = bagian beungeut kenca-katuhu antara palipisan, ceuli, panon, irung sungut, jeung gado.
- ruruncang = bagian beungeut nu ngalegok antara biwir luhur jeung irung.

D. panon
- halis = bulu-bulu nu ngembat luhureun kongkolak panon.
- kongkolak panaon = nu legok dina tulang beungeut tempat siki panon.
- bulu panon = bulu dina biwir panon.
- biwir panon = bagian panon nu bisa dipeureumkeun jeung dibeuntakeun.
- juru panon = juru biwir panon.
- siki panon = bagian panon anu bisa nenjo.
- bobodas panon = bagian siki panon nu bodasna.
- hihideung panon = bagian siki panon nu hideungna.

E. irung
- cukang irung = puhu irung, bagian irung pangluhurna, nepi ka legok handapeun tarang.
- tungtung irung = bagian irung nu nyungcungna.
- liang irung = dua liang dina irung.
- bulu irung = bulu nu jaradi dina liang irung.

F. Sungut
- huntu = nu jadi dina gugusi luhur-handap, paranti ngegel.
- careham = huntu di gigir paranti nyapek jeung ngalembutkeun dahareun.
- gugusi = daging luhur-handap tempat tumuwuhna huntu.
- letah = daging di jero sungut nu bisa diobahkeun, ngatur sora.
- elak-elakan = cecentil dina wates lalangit jeung tikoro.
- lalangit = kulit sungut beulah luhur.
- biwir luhur = wengku sungut luhur, handapeun irung.
- biwir handap = wengku sungut bagian handap, luhureun gado.
- juru biwir = tempat patepungna biwir handap jeung biwir luhur, kenca-katuhu.