Pangalaman Mimiti Boga HP: Nasib Hape Si Emen

 Sok kapi asem ari emut kadinya, mimiti boga hp taun 2007. Duka tipeuna mah sabaraha hilap deui, ngan merekna mah Siemen. Ku sabab anyar tea can apal ngagunakeun eta si hape, kamamana teu weleh diteundeun dina pesak baju. Dina hiji waktu, basa kuring hayang miceun ka jamban, keur nyantey bari ngahuleng... kring sora hape disada terus dihalowkeun. Beres we. Teu lila niririt disada deui aya SMS ti babaturan. Ah, diantep we heula, da karak beres sesuatu na. Panasaran terus di cokot tina pesak, can cengkat masih diuk keneh di luhur closet. Tuluy dibales wae sms. Terus eta si hape dikandung dina baju da harita teh make daster keneh. Na atuh ari barang cengkat ari pluk teh eta hape kana jero kloset. Gustiiiii.... sabari molohok kudu kumaha nyokotna? Untung ari klosetna mah tos beresih da tos beresan. Beu, tungtungna mah eta HP dicokot wae, da nyaah sieun d gelendeng ku babaturan saimah. Tapi asa jarijipen. Rek makena deui tungtungna mah sayonara weh si emen tehh. Da geuning ruksak kakeueum ku cai.

Kiriman: Moms Fikal Wildan - Group Facebook Banyolan Sunda