Pangalaman Mimiti Boga HP: Charger Balakasadut

Uing mimiti nyekel hape kurang leuwih taun 2000-an. Eta ge pamere ti Mamang. Hapena merek Ericsson. Sabenerna di lembur teh can aya sinyal jaman harita mah. Tapi ku sabab hayang katempo ku batur, ari ulin eta hape sok dibabawa. Hape nogel na saku. Hiji waktu ku uing eta hp dibawa ulin ka imah babaturan nu kabeneran imahna rada beh puncak. Pamikir teh, pasti di dieu aya sinyal. Barang dicabut, hape teh paeh. Sihoreng batrena ngedrop. Dasar uing mah jalma rada loba akal, najan bari belegug oge..ret katempo aya trafo paranti babaturan ngebrik. Der we eta kabel trafo positif-negatifna teh ditapelkeun kana pin batre. Teu ieuh diulak-ilik tegangan setrumna hp teh. Na atuh, barang pel ditapelkeun, kadenge na hp aya nu disada teterektekan....terektekk...terekk.tek....dessssssssssssssssttttt dibarengan ku bau hangit jeung haseup kaluar tina jero hp. Beuuuu, hape uing kabakar geuning! Tapi aya hikmahna tina kajadian trial and error eta, Bibit buit ti harita uing jadi rada daek uprak-oprek kana hape. Lumayan jang meuli udud, da jadi bupati mah teu kabeungeutan.

Kiriman: Nomor Kakilima - Group Facebook Banyolan Sunda