Tragedi Baju Lebaran
Baheula mah meuli baju jang lebaran 1 oge geus atoh. Kacaritakeun maleman lebaran kuring meuting di babaturan,harita teh masih keneh SD. Babaturan teh ngan hiji-hijina lalaki di keluargana. Teu sabaraha jauh jarak imahna ngan kahalangan lima imah. Bari ngendong, eta baju lebaran dibawa. Tidituna mah pamer bari rek sakalian bareng rek sholat ied. Sapeupeuting malem takbir teu bisa sare. Hayang geura isuk rek make baju alus. Pas nincak rek wanci janari, eta lanceuk babaturan nu awewe rek ngistrika. Atuh baju anyar teh dkumpulkeun jeung nu babaturan da rek diistrika heula. Bari nungguan arengna ruhay, manehna ngamparkeun heula tilam. Ma'lum baheula mah pan masih keneh make areng jaba istrikana oge masih istrikaan hayam jago.
Saenggeus eta istrikaan hurung, terus dimimitian diistrika. Nya nu pangheulana diistrika teh baju nu bogana heula. Nya eta nu lanceukna nu awewe. Na atuh bareng digosok gosok kana baju, si bajuna rapet milu kana istrikaan atuh bajuna molongo, da ku istrikana panas teuing. Eta si lanceukna ceurik terus ngahinghing. Keur mah bajuna ngan hiji-hijina. Rek meuli oge da euweuh nu buka. Geus apal kitu mah, langsung we baju kuring jeung nu babaturan teh teu jadi diistrika. Da sieun kawas baju lanceukna. Hayang seurina aya, karunyana aya. Da lanceukna mah asa teu milu lebaran kumeh baju lebaranna dewol kastrika.
Tidak ada komentar: